Melvyn Rodrigues - Poems 28 (Nagari)

दुखां

दोळ्यांत दुखां पोल्यार न्हंयों
जडाय व्हावव्न कशें जियों?

व्हयलीं तारां घेतलीं वोंटार
वोतलीं तुज्या पोल्या मेटार
संतोसाच्यो नातल्यो वोवयो
खंतीन काळजांत रडल्यो बांयों
दोळ्यांत दुखां पोल्यार न्हंयों
जडाय व्हावव्न कशें जियों?

पुरासाणेन आयलोय बागलार
जायां परमळ वोतलो दारार
पुरपुऱ्यांच्यो तोपल्योय सुवियो
बावुन गेल्यो जायो जुयो
दोळ्यांत दुखां पोल्यार न्हंयों
जडाय व्हावव्न कशें जियों?

लगनाक दिल्लें पाळच्याक उतर
पालंव धरलो तुज्याय मात्यार
तकलेंत तुज्या हजार चलयो
आमचे मधें बांदतात वोंयो
दोळ्यांत दुखां पोल्यार न्हंयों
जडाय व्हावव्न कशें जियों?

1986

Melvyn Rodrigues - Poem 28 (Kannada)

ದುಖಾಂ
ದೊಳ್ಯಾಂತ್ ದುಖಾಂ ಪೊಲ್ಯಾರ್ ನ್ಹಂಯೊಂ
ಜಡಾಯ್ ವ್ಹಾವವ್ನ್ ಕಶೆಂ ಜಿಯೊಂ?

ವ್ಹಯ್ಲಿಂ ತಾರಾಂ ಘೆತ್ಲಿಂ ವೊಂಟಾರ್
ವೊತ್ಲಿಂ ತುಜ್ಯಾ ಪೊಲ್ಯಾ ಮೆಟಾರ್
ಸಂತೊಸಾಚ್ಯೊ ನಾತ್ಲ್ಯೊ ವೊವಿಯೊ
ಖಂತಿನ್ ಕಾಳ್ಜಾಂತ್ ರಡ್ಲ್ಯೊ ಬಾಂಯೊಂ
ದೊಳ್ಯಾಂತ್ ದುಖಾಂ ಪೊಲ್ಯಾರ್ ನ್ಹಂಯೊಂ
ಜಡಾಯ್ ವ್ಹಾವವ್ನ್ ಕಶೆಂ ಜಿಯೊಂ?

ಪುರಾಸಾಣೆನ್ ಆಯ್ಲೊಯ್ ಬಾಗ್ಲಾರ್
ಜಾಯಾಂ ಪರ್ಮಳ್ ವೊತ್ಲೊ ದಾರಾರ್
ಪುರ್ಪುರ್‍ಯಾಂಚ್ಯೊ ತೊಪ್ಲ್ಯೊಯ್ ಸುವಿಯೊ
ಬಾವುನ್ ಗೆಲ್ಯೊ ಜಾಯೊ ಜುಯೊ
ದೊಳ್ಯಾಂತ್ ದುಖಾಂ ಪೊಲ್ಯಾರ್ ನ್ಹಂಯೊಂ
ಜಡಾಯ್ ವ್ಹಾವವ್ನ್ ಕಶೆಂ ಜಿಯೊಂ?

ಲಗ್ನಾಕ್ ದಿಲ್ಲೆಂ ಪಾಳ್ಚ್ಯಾಕ್ ಉತರ್
ಪಾಲಂವ್ ಧರ್‍ಲೊ ತುಜ್ಯಾಯ್ ಮಾತ್ಯಾರ್
ತಕ್ಲೆಂತ್ ತುಜ್ಯಾ ಹಜಾರ್ ಚಲಿಯೊ
ಆಮ್ಚೆ ಮಧೆಂ ಬಾಂದ್ತಾತ್ ವೊಯೊ
ದೊಳ್ಯಾಂತ್ ದುಖಾಂ ಪೊಲ್ಯಾರ್ ನ್ಹಂಯೊಂ
ಜಡಾಯ್ ವ್ಹಾವವ್ನ್ ಕಶೆಂ ಜಿಯೊಂ?

1986